文章
相簿

Le Creuset 愛煮意 新居煮意 左髀煮意之滋補湯水

<一鮑兩食> 澳洲青邊鮑魚翅裙邊煲豬尾骨湯

左髀 ● 入廚樂 於 2015年02月01日發表   人氣:24642


澳洲青邊鮑魚翅裙邊煲豬尾骨湯

我一直也很喜歡吃鮑魚, 無論是鮮鮑或乾鮑都很喜歡.

我最常吃的當然是在海鮮檔買的鮑魚仔啦,

最愛用果皮蒸.  十分好味.

所以對鮑魚的菜式都愛吃.  咁大個女都未曾試過煮乾鮑或用鮑魚來煲湯水,

今年2015很想試吓自已煮乾鮑及買鮑魚煲湯.

時常見人也買青邊鮑來煲湯及做一鮑兩食,

好...一於買來試.

青邊鮑中, 以南非的青邊鮑最靚, 其次就是澳洲了.

而且青邊鮑原來是急凍的.

這次我到安記買了三個不同的SIZE, 我買了一隻for 2人的, 約二百五元.

因為最近少爺工作太辛苦了, 我只好煲啖靚湯給他補補吧.

因為未買過, 到安記就問問售貨員姐姐....學吓嘢先.

 

我當然有好多問題問啦.....如下:

(1) 怎樣挑選靚的青邊鮑呢?

答: 急凍鮑以原整無缺為靚貨, 鮑魚裙邊愈粗愈好, 肚肥肉厚就代表強壯.

(2) 怎樣清洗青邊鮑呢?

答: 只需要解凍, 取出用水洗淨, 用牙刷擦走綠色部份, 刷到隻鮑魚白雪雪就待用.

(3) 買回來如何保存?

答: 放入雪櫃冰箱保存

(4) 使用方法?

答: 要煲湯的, 解凍青邊鮑, 洗好後, 就要出一出水, 但緊記的是, 青邊鮑出水, 一定要凍水或暖水放入, 加蔥及薑以去除鮑魚本身的腥味.因為鮮鮑或急凍鮑突然接觸滾水, 會令其表面組織急速收縮, 容易出現裂紋及裙邊脫落, 影響外觀.

**緊記一定要在薑蔥水未滾前, 就放入鮑魚才出水啊....**

出水後, 沖沖鮑魚, 再把腸 臟去除, 就可以用來煲湯了.

 

知道這幾點後, 都不難啊...我就回家煲湯去....^^

原本煲鮑魚湯, 最好的是配雞來煲的, 因為用雞去煲, 湯一定十分甜的.

但因為我不想喝雞湯, 就只買了豬尾骨.

所以你們就視乎自已喜好了...

 

***************************************************************************************

材料:

青邊鮑            1隻

魚翅裙邊           4塊

豬尾骨            40元

果皮              1片 (浸軟, 括去果囊)

薑               兩三片

瑤柱             4粒 (浸一浸就OK了,連浸的水加入煲湯內)

南北杏, 百合, 淮山   每樣適量 (浸吓, 洗吓)

做法:

1. 先把豬尾骨出一出水. 用凍水沖一沖, 待用.

 

2. 把魚翅裙邊, 加入薑及蔥, 出水.

 

只要見到魚翅裙邊捲埋就OK.  大約三四分鐘左右.

3. 青邊鮑出水,  記著上面我也講了, 青邊鮑一定要凍水或暖水就放入.

  所以煲內加入凍水, 蔥薑及青邊鮑, 然後開火出水.

出水時會出現一些白色的泡泡飄浮物, 出水大約幾分鐘, 洗走那些飄浮物

然後把腸 臟除走...( 臟位置, 如下圖, 用HELLO KITTY刀指住的部份)

三樣主要的材料, 巳經完成出水了...

4. 湯鍋加入水, 加入所有材料, 除了魚翅裙邊, 煲滾後, 轉小火, 先煲1小時.

5. 1小時後, 就加入魚翅裙邊, 轉中大火, 煲滾後, 轉小火, 煲1小時,

  試味, 唔夠咸, 加少許鹽, 即成. 

  此湯時間共2小時.

好清甜...青邊鮑呢......取出, 切片, 準備做 鮑片扒生菜 啊....^^

 

青邊鮑來煲湯, 材料方面, 可以隨個人喜好而變化,

可以加入雞, 花膠, 紅蘿蔔, 雞殼, 金華火腿或其他藥材等等來煲.

稍後再跟大家分享埋一鮑兩食的另一食法 - 鮑片扒生菜

鮑片扒生菜請click:

http://jobelovecooking.chiba78.com/articles-23899.html

 


上一篇:<一鮑兩食> 鮑片扒生菜

下一篇:


本BLOG人氣文章

羽衣甘藍脆片
羽衣甘藍脆片 一直都好想試整,一直..
羽衣甘藍薯餅
羽衣甘藍薯餅  ..
CATALO 藍莓護眼專家
2016年2月29日(星期一) ..
心情甜品@Le Dessert Palais
  早前謝謝朋友..
親手體驗之新奇士柑橘夏日廚房活動
親手體驗之新奇士柑橘夏日廚房活動 ..

左髀 ● 入廚樂

每天回到家, 令我最輕鬆, 最開心的就是家裡的廚房. 無論工作有多累, 壓力有多大, 只要一回到我的小小天地---左髀廚房, 我就會精神起來, 零壓力!! 烹飪實在很有趣, 當中有很多變化, 很多種類. 實在很好玩呢....開了這個個人專頁, 希望可以跟大家分享入廚的樂趣.


標籤
累計瀏覽次數: 1,191,343
所有文章: 1,283
本日訪客人數: 344
累計訪客人數: 1,045,160