文章
相簿

愛煮意 新居煮意 左髀煮意之蛋蛋蛋

苦瓜煎蛋

左髀 ● 入廚樂 於 2015年01月08日發表   人氣:1516


苦瓜煎蛋

 

哈哈, 再來苦瓜食譜...因為爸爸比咗兩條苦瓜我, 

所以我咪要試吓煮咩好囉..

繼上一回的苦瓜炆鯧魚, 今次的這一道苦瓜菜式, 

真係又平又易, 三兩吓就完成.

就係苦瓜煎蛋囉...

講時講, 少爺雖則接受咗苦瓜, 但係呢....

當第二日佢又再見到係苦瓜的時候...

佢第一句話: 又係佢......(即刻做咗個苦口苦臉比我)

我話..係呀, 見你接受咗, 唔好比你停....XD

*********************************************************************

先看材料吧:

苦瓜                           一條

雞蛋                           2-3隻 (視乎大小啦..)

蔥花                           少許 (我無加到)

鹽                               少許

酒                               少許

 

調味料:

鹽, 糖, 胡椒, 豉油, 麻油               各少許

 

做法:

(1) 苦瓜洗淨, 去籽, 切薄片. 用少許鹽略醃至軟身.

(2) 用一小鍋, 水滾後, 加入苦瓜片拖一拖水, 即盛起, 放涼一會, 把水榨乾.

(3) 雞蛋加入調味料打勻, 備用.

(4) 煎PAN燒熱, 加入油, 先加入苦瓜片炒一會, 贊少許酒, 倒入蛋汁, 

      以中小火煎至金黃色, 完成.

 

** 因為苦瓜拖一拖水, 所以吃時不會太苦的.

 

少爺食咗第一啖, 即刻話, 好味喎.  仲問我: 點解啲苦瓜唔苦嘅?    

(跟住我都未答佢, 佢就一啖又啖咁接住食食食....同食食食.....嘻....)

 


上一篇:May's Cookies x 吃吧 Bloggers Event

下一篇:苦瓜炆鯧魚


本BLOG人氣文章

羽衣甘藍脆片
羽衣甘藍脆片 一直都好想試整,一直..
羽衣甘藍薯餅
羽衣甘藍薯餅  ..
CATALO 藍莓護眼專家
2016年2月29日(星期一) ..
心情甜品@Le Dessert Palais
  早前謝謝朋友..
親手體驗之新奇士柑橘夏日廚房活動
親手體驗之新奇士柑橘夏日廚房活動 ..

左髀 ● 入廚樂

每天回到家, 令我最輕鬆, 最開心的就是家裡的廚房. 無論工作有多累, 壓力有多大, 只要一回到我的小小天地---左髀廚房, 我就會精神起來, 零壓力!! 烹飪實在很有趣, 當中有很多變化, 很多種類. 實在很好玩呢....開了這個個人專頁, 希望可以跟大家分享入廚的樂趣.


標籤
累計瀏覽次數: 1,361,499
所有文章: 1,283
本日訪客人數: 409
累計訪客人數: 1,211,023