文章
相簿

Le Creuset 愛煮意 新居煮意 左髀煮意之蛋蛋蛋

三色蒸水蛋

左髀 ● 入廚樂 於 2014年12月31日發表   人氣:2437


三色蒸水蛋

 

這一道簡單的蒸蛋, 講都唔信, 

我煮咗好幾年飯, 都未整過, XD.

咪又係....咪又係....TO DO LIST太太太長了...

排嚟排去都未排到佢...哈哈..

終於都的起心肝整... 因為一來自家醃製了咸蛋, 

當然我又懶巴閉咁, 話自家咸蛋, 所以先有MOOD整呢道菜...XD

另一原因, 係因為有老友話好想煮呢道菜, 

咁我咪又試吓囉...

*********************************************************************

三色水蛋最好之處, 就是可以滿足哂三個口味

愛蛋之人, 一定喜愛.

如你是貪心鬼, 又想食咸蛋, 又想要皮蛋, 又想食埋雞蛋的話,

呢個餸, 一定滿足到你了....^^

 

材料:

咸蛋                         1隻

皮蛋                          1隻

雞蛋                          3隻 (若大蛋可用2隻)

無糖豆漿                   300ml (可以用水 / 牛奶 )

蔥花                           少許 (可用不不用)

 

做法:

(1) 洗好三色蛋, 咸蛋預先蒸熟.  雞蛋放在碗中, 打勻, 加無糖豆漿 /(或水/ 牛奶), 打勻.

(2) 咸蛋蒸熟後, 去殼, 皮蛋也去殼, 把它們切粒放在碟內.

(3) 加入巳打發雞蛋, 記著要過篩, 這樣蒸出來的蛋才夠滑啊...

(4) 鍋中燒滾水, 碟用保鮮膜包好, 先用大火蒸2分鐘, 轉中小火蒸4-5分鐘. 熄火焗一會, 完成.

 

** 時間自己試啊..因每個爐都不同.

**因為巳經有咸蛋, 所以不用再加任何調味.

** 最後的步驟, 蒸好後, 當然可以贊熟油加少許豉油及蔥花啦.

 

滑滑三色蒸水蛋.....好味.  

 

 

 


上一篇:苦瓜炆鯧魚

下一篇:法式白酒煮青口


本BLOG人氣文章

羽衣甘藍脆片
羽衣甘藍脆片 一直都好想試整,一直..
羽衣甘藍薯餅
羽衣甘藍薯餅  ..
CATALO 藍莓護眼專家
2016年2月29日(星期一) ..
心情甜品@Le Dessert Palais
  早前謝謝朋友..
親手體驗之新奇士柑橘夏日廚房活動
親手體驗之新奇士柑橘夏日廚房活動 ..

左髀 ● 入廚樂

每天回到家, 令我最輕鬆, 最開心的就是家裡的廚房. 無論工作有多累, 壓力有多大, 只要一回到我的小小天地---左髀廚房, 我就會精神起來, 零壓力!! 烹飪實在很有趣, 當中有很多變化, 很多種類. 實在很好玩呢....開了這個個人專頁, 希望可以跟大家分享入廚的樂趣.


標籤
累計瀏覽次數: 1,361,497
所有文章: 1,283
本日訪客人數: 407
累計訪客人數: 1,211,021