文章
相簿

Le Creuset 愛煮意 左髀煮意之小吃 左髀煮意之蛋蛋蛋

自製醃咸蛋

左髀 ● 入廚樂 於 2014年12月15日發表   人氣:4340


自製醃咸蛋

見到有好多朋友仔都自製咸蛋.  我又貪得意, 好想湊湊熱鬧.

咸蛋久不久也會很想吃, 因為好好下飯...^^

而且有一些菜式, 加入了咸蛋元素, 會令人胃口大增的.

而且都係果句啦...煩係自家製的, 必定是好嘢...

 

自製咸蛋的做法, 大同小異, 大多都用鴨蛋去醃製,

當然雞蛋也可以, 只是醃製的時間會比鴨蛋的耐一點.

因為雞蛋的殼比較厚,

問了幾位朋友仔的方法, 最後我跟了朋友沙律媽媽的做法.

 

****************************************************************************************

食譜來至朋友仔: 沙律媽媽

https://www.facebook.com/pages/Charlottes-Kitchen/944439978915004?fref=ts

 

材料:

鴨蛋                       15隻

水                           1000ml

粗海鹽                   1包

八角                        5粒

玫瑰露酒               適量

做法:

(1)  小心把鴨蛋洗淨, 用乾布抹乾, 然後待它自然風乾呀.  一定要記住, 乾哂先可以浸嫁.  同埋呢, 我發現鴨蛋的殼, 真係好薄, 好容易穿及裂呀, 所以真係要"超級輕加去洗及抹".

(2) 水, 八角及粗海鹽煲滾. 鹽水比例 1:3:5, 比海水咸少少就可以, 沙律媽媽提, 唔好過多鹽, 太咸就無咁好嫁.

所以食譜中係寫了一包, 但其實沙律媽媽教我, 自落一半鹽, 試咗咸度先, 唔夠咸先再加.  如果一開始就整包加入去, 過咸了, 就麻煩了.

煲鹽水時, 要留意的係....煲鹽水時, 鹽會釋放一些雜質, 這是正常的, 如下圖所示.

所以要買一些比較有品質的粗海鹽啊...因為我試過買街市散包裝的粗鹽, 一路煲一路釋放出很多雜質, 而那些雜質十分惡心, 最後我全煲倒了.  後來就去了一田買了一包品質好點的, 就是現在圖下的.  雜質正常.

待鹽水煲好後, 要放涼才可以用.

我就先把煲好的鹽水, 放到另一個大碗中

此時把煲好的鹽水用過濾隔網, 隔走雜質.

 

看....鹽水會清多一點的.

我做了兩次隔雜質的動作.

隔好的鹽水, 放在一旁, 待鹽水完全放涼, 才可以使用.

 

 

(3)  鹽水完全放涼後,  鴨蛋又完完全全乾後.

       鴨蛋逐隻逐隻浸一浸玫瑰露酒.

(4) 浸好玫瑰露酒的鴨蛋, 慢慢排入玻璃樽. 記著....要好小心, 好輕咁逐隻放鴨蛋呀...

真係好易裂呀...

 

(5) 排好鴨蛋後,  倒入隔了雜質的鹽水八角.  最後再加入少少玫瑰露酒, 多少隨意.

            

 

(6)  再用一只碟仔或碗, 輕輕放在鴨蛋上面.  這動作是防止鴨蛋因鹽水而浮上面.

         (因為鴨蛋一定要完完全全被鹽水浸到, 才能成功的)

      最後用保鮮膜包好樽口, 再封蓋.  浸28-30日完成.

      放存在陰涼處, 不要常移動啊..

 

注意事項:

(1) 唔夠28日唔會有漏油咸蛋黃, 過30日又會好咸.  (其實呢一點要自行執生啊...因為我有朋友, 醃咗30日都唔夠漏油, 就再醃多佢五至十日, 所以自己到時試了...)

(2)  醃製好的咸蛋, 逐隻取出, 抹乾, 用保鮮膜包好, 放入雪櫃保存.

(3)  巳浸過的咸蛋水, 有人會重覆用, 但沙律媽媽話佢每次都用新的, 沒有試過重覆用.

        這一點自行決定啊..

(4)  一定要用玻璃樽醃, 最好預大一點.

(5) 預鴨蛋時, 不妨買多幾隻, 預防在過程中, 會有兩三隻裂了.

(6)  記著每一隻鴨蛋都要細心檢查, 發現有裂, 一定不要用.

 

************************************************************************************************

我就係十一月十九日醃製咸蛋的, 仲有幾日就可以收成.

好緊張呀, 希望成功啦.  

希望可以做冬時, 帶回給爸爸媽媽及老爺奶奶試食....嘻..

成功後, 也約了好友一起煮一餐咸蛋宴來玩吓....xd...

咸蛋蒸肉餅, 咸蛋芥菜肉片湯, 黃金蝦,  金銀蛋莧菜, 咸蛋配粥, 咸蛋南瓜, 咸蛋苦瓜, 咸蛋炒飯等等...

諗起都想.....................添飯囉....xd.

 

 

 


上一篇:花雕蛋白蒸膏蟹

下一篇:體驗 Opera House 冬日龍蝦 Saturday Brunch Buffet


本BLOG人氣文章

羽衣甘藍脆片
羽衣甘藍脆片 一直都好想試整,一直..
羽衣甘藍薯餅
羽衣甘藍薯餅  ..
CATALO 藍莓護眼專家
2016年2月29日(星期一) ..
心情甜品@Le Dessert Palais
  早前謝謝朋友..
親手體驗之新奇士柑橘夏日廚房活動
親手體驗之新奇士柑橘夏日廚房活動 ..

左髀 ● 入廚樂

每天回到家, 令我最輕鬆, 最開心的就是家裡的廚房. 無論工作有多累, 壓力有多大, 只要一回到我的小小天地---左髀廚房, 我就會精神起來, 零壓力!! 烹飪實在很有趣, 當中有很多變化, 很多種類. 實在很好玩呢....開了這個個人專頁, 希望可以跟大家分享入廚的樂趣.


標籤
累計瀏覽次數: 1,259,279
所有文章: 1,283
本日訪客人數: 56
累計訪客人數: 1,111,485