文章
相簿

Le Creuset 愛煮意 新居煮意 左髀煮意之海鮮 左髀煮意之蔬菜

Pepper Lunch vs Pepper Dinner

左髀 ● 入廚樂 於 2014年10月03日發表   人氣:1592


2014年10月2日(星期四)

 

話說在之前LC 開倉時, 買了兩個黑忟忟...

又話說有時出去吃飯, 都會幫襯吓Pepper Lunch的....

去Pepper Lunch時, 係到諗, 其實佢啲嘢都唔係好難煮,

啲食物款式一不嚟二, 二不嚟三, 

佢特式係用個圓形鐵板上枱之嘛.

心諗...我屋企都有類似啦...

一於係屋企試玩先...

因為我係煮DINNER, 所以我自己就話, 我唔係煮Pepper Lunch, 

係Pepper Dinner至真...XD...XD...XD 

******************************************************************************

剛巧超市的鯖魚特價, 只隻每條$7.9, 都幾抵食, 就買咗兩條.

然後就開始執少少配菜, 根據Pepper Lunch, 大多數都係有粟米及芽菜,

我咪又跟佢咁囉...嘻嘻...

再加埋白飯, 咁就攪掂.   全SET都係得四樣材料,

又平又少功夫.   出街食, 不如自己整.  

 

我呢到二人份量, 全部加埋都係三十元唔駛.

計比你哋睇吓啦...

鯖魚每條$7.9 X 2 = $15.8

芽菜 $3

粟米一盒 $8.5

以上最主要的材料, 加埋都只係$27.3

就算加埋調味料及兩碗白飯, 我當白飯$10元一碗, 

加埋都唔駛$50元喎....

所以話呢....點計都一定係自家製係最便宜的.

最緊要自己整健康, 少油, 少鹽, 但份量又足喎....^^

做法:

(1) 鯖魚溶雪後, 洗淨, 吸乾水份, 加入少許鹽及胡椒粉醃10分鐘.

(2) 芽菜洗淨, 盒裝粟米瀝乾水份. 白飯預先準備好.

(3) 煎PAN, 加點油, 先把芽菜炒至熟, 加少許鹽, 生抽及黑胡椒炒.  切忌太咸啊..

      炒好, 先盛起

(4)  同一個煎PAN, 加點油, 把粟米抄熱, 加入黑胡椒, 炒一會盛起.

(5) 依然同一個煎PAN, 加少許油, 煎鯖魚.  先煎魚皮那面, 兩邊煎至脆身, 煎時, 我略略加了黑胡椒,完成.

(6)  把LC 黑忟忟PAN, 加熱, 加入以上所有材料.   完成.  熱辣辣原PAN上枱.  ^^

 

**  材料中, 很多變化, 可以三文魚, 牛肉, 雞扒等等..

** 配菜也是, 可以用豆類呀, 菇類呀, 棷菜呀...等等..

**  可以自行調配汁料, 黑椒汁, 蒜茸汁等... (而我因為唔想吸收太多汁料, 所以我無做汁的部份啊)

** 用上普通的碟上枱, 也一樣的.

 

 

 


上一篇:酸齋@素食

下一篇:南瓜炆肉碎


本BLOG人氣文章

羽衣甘藍脆片
羽衣甘藍脆片 一直都好想試整,一直..
羽衣甘藍薯餅
羽衣甘藍薯餅  ..
CATALO 藍莓護眼專家
2016年2月29日(星期一) ..
心情甜品@Le Dessert Palais
  早前謝謝朋友..
親手體驗之新奇士柑橘夏日廚房活動
親手體驗之新奇士柑橘夏日廚房活動 ..

左髀 ● 入廚樂

每天回到家, 令我最輕鬆, 最開心的就是家裡的廚房. 無論工作有多累, 壓力有多大, 只要一回到我的小小天地---左髀廚房, 我就會精神起來, 零壓力!! 烹飪實在很有趣, 當中有很多變化, 很多種類. 實在很好玩呢....開了這個個人專頁, 希望可以跟大家分享入廚的樂趣.


標籤
累計瀏覽次數: 1,259,263
所有文章: 1,283
本日訪客人數: 40
累計訪客人數: 1,111,469